رساله الى الوالى
يا رئيس الجمهوريه
انت فين رد عليا
جاى بانتخابات شرعيه
ضد الفلول والبلطجيه
وقولت البلد فى عنيا
ودم الشهدا دين عليا
فتحت صدرك فى ميدان التحرير
ومن فرحه قلبى كان أقرب يطير
قولنا بلدنا هتنهض خلاص
أنا وصاحبى وكل الناس
رسمت بعد الثوره اجمل صور افتراضيه
لكن لما شوفتك بقت أحلام وهميه
طلعت ياريس أصخم من اللى قبلك
رئيس انت ولا مندوب رياسه
أصلى حاسس ان الرئاسه عندك طفاسه
مش واخد الدنيا جد ولا بلدنا بحماسه
ارحل خلاص انت زعيم ضعيف
ارحل .. ارحل .. ارحل