بــــائــع البــطاطا
هى حكايه طفل لم يتجاوز عمره 10 سنوات فتح عينه على الفقر والذل والجهل فى بلد لم تعرف الا هذه الصفات . فى بلد قامت بالثوره ولسه زى ما هى فى بلد كل يوم بيروح أطفالها والدم أرخص ما فيها .
طفل اتولد واتكتب عليه انه ميشوفش أبوه لكن لان الطفل المصرى راجل من صغره يتحمل المسئوليه من صغره نزل واشتغل عشان يرجع البيت اخر النهار بكام جنيه يساعد فى مصروف البيت .
نزل يبيع شويه بطاطا فى ميدان التحرير استغل التجمع الرهيب من الشعب اللى عمره ما هيوقف عشان يكمل ثورته ضد أنظمه فاسده غير قادره على المسئوليه .
طفل بدايه حياته هى نهايتها فى نفس الوقت طفل كان كل حلمه انه يتعلم ويعيش كويس طفل مش طالب انه يسافره بره يتعلم ولا طالب جاه او طالب يبقى غنى او طالب اكتر من حقوقه الانسانيه .
وفى يوم نهايته اللى ربنا سبحانه وتعالى كان كاتبله انه يموت عشان يفضح السلطه الغاشمه قصدى السلطه الحاكمه أخد رصاصتين الاولى فى راسه والتانيه فى قلبه عشان تروح ورده جميله فى بستان الثوره .