المانجا والجمل

بصراحه كده مخبيش عليكوا انا كنت محتار اوى فى تسميه البتاع اللى انى بكتبه ده لكن لقيت ان افضل حاجه ابدأ بيها هى المانجا اعظم انجازات مرسى فى نكسه الــ 100 يوم .
مفيش شك ان معظم المصريين مش راضيين عن رئيسهم الجديد لاسباب كتيره لكن اهو كسب وبقى رئيس جمهوريه.
 مفيش اى مشكله لحد دلوقتى لكن المشكله ان هذا الرئيس وعد المصريين بان تصبح مصر خليط بين تركيا وماليزيا  والدول التى صنعت اسمها من لا شىء فى مده قصيره جدا وحدد 100 يوم عشان مصر تشم نفسها .
ليه معظمنا مش راضى عن مرسى ؟؟
انا بالنسبالى اعتقد ان مرسى مش محبوب عشان مصنوع من جماعه اعوذ بالله منهم "الاخوان المسلمين" جماعه فى منتهى الغباء السياسى عالم كانت فى الجحور بقالها كتير اول ما شافت الكرسى حصلهم صرع ايه صرع يا فندم .
خلينا فى المهم احسن والواقع اللى دائما مواجهه صعبه اوى "هل نجح مرسى فعلا فى التخطى بخطوه ايجابيه نحو مستقبل افضل؟"
 لا طــــــــبعا .....طب ليه ؟ هقولك انجازات مرسى
1- اول انجاز هو اللى بدأت به الكتابه الا وهو "المانجا" الحمدلله رب العالمين الشعب المصرى بكل طوائفه بقى بياكل مانجا عشان بقت بــ 3 جنيه ارخص من الطماطم اللى بقت بــ 10 جنيه فى بعض المناطق .
2- الحمدلله رب العالمين بقى عندنا ازمه بنزين وسولار اكتر من الاول لدرجه الناس ماشيه بالعربيات بتقول "سوء على مهلك سوء مفيش بنزين فى السوق" .
3- الاضـــــــــــــــرابات عندنا فى مصر جميع انواع الاضرابات يعنى ممكن نصدرلكوا لو عايزين عندنا على سبيل المثال اضراب (الاطباء .. عمال المصانع .. موظفى الجامعات .. الخ ) .
4 - عندنا ازمه جامعه النيل عشان تعرفوا ان مصر بتقدر العلم والتعليم طلبه الجامعه دى عشان بيطالبوا بحقوق ليهم داخل جامعتهم اتهانوا واتسحلوا وتشهد الطالبه" نانسى مصطفى" على انها اشهر من سحل .
5- عشان اقطع الشك فى اليقين واقول ان مصر محبه بطبيعتها للثقافه والقراءه والتحضر الحمدلله الحكومه قالت لازم ننضف شارع "النبى دانيال" بالاسكندريه من أكشاك الكتب التى تعمل على تشويه جمال الشارع مع العلم بأن هذا الشارع معروف باقدميه الكتب التى لا تكاد موجوده اصلا فى مكتبه الاسكندريه .
6- بما ان الحكومه سحلت الطلاب وشالت الكتب يبقى لازم تشيل "الجرافيتى" الموجود فى كل الشوارع هل يوجد اكثر من ذلك جهلا بالتحضر والرقى ؟ الجرافيتى يعبر دائما عن ما قام به المصريون فى اعظم ثوره حتى ولو كان يعمل على تشويه المنظر فى الشوارع من وجهه نظرهم .سأوجه لهم سؤال لو كان الفراعنه لم يرسموا حياتهم على جدران المعابد بالتفصيل هل كنا سنتعرف على حضاراتهم ؟ حقا ما اصعب الجهل .
7- تهجير الاقباط من رفح وحرق منازلهم وطردهم من اراضيهم .سأطرح سؤالا هل لو كان الرسول صلى الله عليه وسلم بيننا الان هل كان سيكون فى عهده انفلات امنى هكذا وبماذا سيعامل غير المسلمين ؟
8- "الـــــداخليه" من الحاجات اللى بكرها فى حياتى داخليه جمهوريه مصر العربيه لسه الداخليه وسخه بلطجيه لسه بتعامل الناس على انهم عبيد لسه ماشيين بنظام مبارك اللى كان بيعاملنا بيه وهتفضل ريما على عادتها الوسخه القديمه. فض الاعتصامات زى ما هو القسوه فى التعامل مع المواطنين مازال قائم واحداث "ميت غمر" خير دليل على ما أقول .
9- الحمدلله مرسى رئيس جمهوريه مصر زار كل دول العالم الا مصر .
10 - قرض صندوق النقد الدولى كتير مننا معترض على القرض ده اكيد لانه هيزود الطين بله والاجيال اللى جايه مش ناقصه ولا الحاليه والله بس انا فى اعتقادى الخاص ان لازم الحكومه تستلف بس توجه الفلوس فى بناء مشروعات تحقق عائد مستقبلى وليس القرض لسد احتياجات سابقه .
11- فى عهد الاخوان ومرسى اصبحت فائده القرض مش ربا .
12- بعد اختفاء الكائن "عكاشه" من ع الساحه ظهر ما يسمى بــ وجدى غنيم .
13- الشيخ عبد الله بدر يسب الفنانين على الهواء مباشره بأبشع الالفاظ الخارجه اين دورك كداعيه يدعو للاسلام بالتسامح ؟
14_الزباله بقت اكتر .
انجازات مرسى من وجهه نظر الاخوان ؟
حاجتين فرحانين بيهم بس انا شايف ان اى رئيس كان هيعمل كده
1- اسقاط المجلس العسكري وحله وانهاء حكم العسكر لمصر لاول مرة منذ ستين سنة.
2-الغاء الإعلان الدستوري المكمل الذي وضعه المجلس العسكري .
"انجازات مرسى من وجهه نظرى"
1- الافراج عن المعتقلين السياسين .
2- محاوله عوده دور مصر الخارجى لطبيعته المعهوده بين دول العالم .
3- حضور مؤتمر ايران والتشديد على موقف سوريا وان الثوره السوريه فى القلوب .
4- السفر الى امريكا والقول بصوت عال "الا رسول الله"
 "القـــــضاء"
 اخر نقطه اردت ان اختم بها ما اكتبه منذ يومين اصدر القضاء المصرى النزيه الشامخ ببرائه المتهمين عن موقعه الجمل الشهيره وهو ما اصار ضجه فى قلب كل مصرى دافع عن ارضه بحريه واستبسال .
 من الطبيعى ان اى مجرم يعمل جريمه لازم يخفى كل دليل وراه لكن لو القضاء سلم بالمبدا ده يبقى مفيش عدل فى المجتمع وانتشار الجريمه صراحه انا حاسس ان القضاء مع اول خذلان اداهم براءه وحاسس انه مسعاش ورا الحقيقه . 
طيب نفترض ان سرور وابو العينين ملهمش دعوه كمان القضايا اللى جايه كلها هتكون كده ده لسه عندنا "احداث ماسبيرو - محمد محمود - مجزره بورسعيد" .
هو فعلا القضاء بيحس زى ما ام الشــــهيد بتحس اعتقد لا لان لو قاضى راح دم ابنه قدامه مكنش رده فعلهم تكون بارده كده . 
ايها القضاء المصرى الشامخ على روحه صدقنى العدل ملهوش دعوه بحاكم او سلطه العدل عدل تحت اى ظروف مهما كانت . دعونا من قضاء مبارك وهيا الى قضاء يحمل فى طياته العدل ثم العدل .  

من ينقذ المسكينه سوريا ؟

فى الاونه الاخيره بدأنا نسمع عن التدخل العربى العسكرى فهل من مجيب ؟
ستبقى فكرة التدخل العسكري العربي في سوريا مطروحة إلى أن تطرأ مستجدات سواء كانت متوقعة او غير متوقعة لحسم الأمور وترجيح الكفة  في هذا الاتجاه . فالتدخل الدولى الذى انتظره الكثير والكثير لافائده منه حتى وان ذهبوا للاراضى السوريه.
الموقف الامريكى
بالطبع لابد ان نعترف بان امريكا هى اقوى دوله فى العالم وان اوامرها تسير على الكل مهما كنت فلابد ان تطيع ماما امريكا .
مر على الثوره السوريه اكثر من 18 شهر والازمه مازالت قائمه ولايوجد حلول جذريه تصدرها امريكا حول الشان السورى ولكن لماذا ؟
هذا السؤال لا يحتاج لاى جواب لان ماما امريكا لا يوجد لها مصالح شخصيه فى سوريا والدليل على ذلك فى الثوره الليبيه بان امريكا تتدخلت سريعا فى حل الازمه الليبيه بسبب وجود "البترول" فاسرعت قوات حلف الناتو الى ليبيا بهدف الحفاظ على المدنيين من بطش القذافى الا ان هذا التدخل كان بحجه البترول الذى لا يعد ولا يحصى فى ليبيا  فجاءت الطائرات والمعدات واخذت ما يكفيها من الحصه البتروليه وبالطبع لا احد يدرى فيجب ان نصفق للموقف الامريكى هنا .
امريكا الان لا شاغل لها سوى الانتخابات الرئاسيه فكل من يحمل الجنسيه الامريكيه مهتم بهذا الموضوع وهذا حقهم ولا جدال عليه ولــــــــــــــــــكن
عندما بدأ بشار الاسد فى استخدام الاسلحه الكيماويه على شعبه المسكين بدأنا نسمع صوت خافت يأتى من بعيد رويدا رويدا ثم يعلو شيئا فشيئا وكان هذا الصوت هو صوت امريكا بدا يصرخ ماذا تفعل يا بشار هل تريد ان تبيد شعبك بهذه الاسلحه الخطيره وعلى الرغم من قلبى يتمزق من اجل سوريا ولكن عندما سمعت هذه الجمله بدأت اصرخ ضاحكا . الم يشاهدوا مجازر سوريا ؟ الم يشاهدوا الحوله وداريا والتريمسه ؟ الم يشاهدوا الدماء والاشلاء والاطفال والنساء ؟ الم يشاهدوا المذابح والاعتقالات والاعدام الميدانى ؟ الم يشاهدوا شبيحه النظام وكم يحملوا قسوه اليهود فى قلوبهم ؟ الم يشاهدوا الصواريخ والطائرات وهى تنهال على البيوت والمساجد والكنائس ؟
لماذا انتفضت امريكا عندما بدأ بشار فى استخدام الاسلحه الكيماويه ؟
لم تفهموا بعد ... بسيطه بسبب اسرائيل لان استخدم بشار للاسلحه الكيماويه التى لها تأثير بعيد المدى سيكون اول المتضررين هى ابنه امريكا "اسرائيل" لذلك انتفضت امريكا لاجل ابنتها لتحميها من شرور الاسد .
الموقف الايرانى
اريد ان ابدا بضحكه صغيره عندما اتكلم عن ايران "كل الطرق تؤدى الى روما" كل الطرق الايرانيه تؤدى الى تدمير سوريا شيئا فشيئا فهى من اكبر المستفدين لتدمير الشعب السورى المسكين واباده المسلمين السنه فى الاراضى السوريه وقريبا جيران سوريا من العرب . والغريب أن الرئيس محمد مرسي، الذي أبدى مواقف مبدئية وواضحة وحاسمة لا لبس فيها تجاه الأزمة السورية، لم يجد ما يراهن عليه كـ«نواة» لهذا التدخل العسكري العربي المطلوب إلا لجنة الاتصال الرباعية.. هذه اللجنة التي بات في حكم المؤكد أن المملكة العربية السعودية أصبحت خارجها، والتي تضم إيران الدولة التي سارعت منذ اللحظة الأولى إلى دخول هذه الحرب القذرة المدمرة من أوسع الأبواب، إن بالسلاح وإن بالأموال.
حقيقه الموقف العربى
 بكل صراحة إنه لا أمل إطلاقا بأي تدخل عسكري عربي جدي، وبأي شكل من الأشكال في الأزمة السورية، فأوضاع العرب مأساوية والجامعة العربية تعيش حالة كساح قاتلة، والاتفاق العربي على خطوة خطيرة كهذه الخطوة لا هو متوقع ولا هو ممكن، وكذلك فإن الدول العربية ذات المواقف الواضحة تجاه هذه الأزمة غير قادرة على تحمل عبء بكل هذا الحجم وبكل هذه الخطورة دون أن تكون هناك مشاركة دولية رئيسيةوكما تقول فيروز"لا تندهي ما في حد" .
لذلك نأمل من الله وحده لا غيره بان يقذف ببشار السموات والارض ويلعنه وان نرى فيه عجائب قدره الرحمن لانه قتل وسفك دماء المسلمين من النساء والاطفال .
يا عــــــــــرب ... سوريا فقط تحتاج الى كثره دعائكم لان لا باليد حيله كما نقول ولاننى واثق كل الثقه بان الشعب السورى فقط من يقرر مصيره بيده وسيأتى برقبه "البطه" ان شاء الله